கிறிஸ்டி வாக்கராகிய நான்....

கிறிஸ்டி வாக்கராகிய நான்....
கிறிஸ்டி வாக்கராகிய நான்................

Saturday, 18 February 2017

வண்ணமில்லா எழுத்தாணி

வறுமை வழி அனுப்ப
வசந்தம் வாசல் தாண்ட
வண்ணமில்லா எழுத்தாணியால்
வடிக்கப்பட்ட வாழ்க்கை
வசையான முதிர்கன்னி பட்டம்
வண்ண மை தட்டுப்பாடு...

         
        

Sunday, 12 February 2017

ஒரு பூவின் கோபம்

மாமன் சீர் கொணர
மண்மணம் மாறா
மஞ்சள் நீராட்டு...

எதிர்வீட்டு சாளரத்தில்
எட்ட நின்று எண்ணிலா
எண்ண ஓட்டம்...

மூவேழு வருடமாயும்
மாமன் கட்ட இயலா
பச்சை ஓலைக்காய் ஏக்கம்...

மங்கையா? மடந்தையா?
அரிவையா? அறியவில்லை
மனதினுள் மறையா போராட்டம்...

கல்லறையான கருவறை
சந்தடி இல்லாமல்
சந்ததி அஸ்தமனம்...

பாவமா? சாபமா?
இல்லை கோபமா?
பூப்பெய்தா பூவாய்...