கிறிஸ்டி வாக்கராகிய நான்....

கிறிஸ்டி வாக்கராகிய நான்....
கிறிஸ்டி வாக்கராகிய நான்................

Tuesday, 28 June 2011

நட்பு

பைக்கட்டை 
தூக்கிக் கொண்டு 
பத்து பைசா 
மிட்டாய் வாங்க 
பறந்து கொண்டு 
பள்ளி சென்ற காலம்!

மணி அடித்தவுடன்
தட்டை தூக்கிக்கொண்டு 
வரிசையில் நின்று 
உனக்கும் சத்துணவுக்கு 
இடம் பிடித்த காலம்!

மிட்டாய் வாங்கினாலும்
முட்டை வாங்கினாலும்  
சமமாக பங்கிட்டு 
கடித்து தின்ற காலம்!

காய்ச்சலால் 
கண் திறக்காமல் நீ 
படுத்திருக்கும் போது
உன் தலைமாட்டில் 
அமர்ந்து கொண்டு 
பள்ளி செல்லா காலம்!

பட்டணம் சென்று 
கல்லூரி படிக்கும் போது 
இருவரும் ஒரே 
பெண்ணை காலத்தின் 
கோளாறால் 
காதலித்த காலம்!

நல்லது கேட்டது 
அறிந்து 
பெற்றோர் சொற்படி 
திருமணம் செய்து 
பிள்ளை பெற்று 
தகப்பன்கள் ஆன காலம்!

மறக்க முடியவில்லை 
நட்பை சுவாசித்து 
நட்புடன் கடற்கரையில் 
நடைபோடும் இந்த
வயோதிக காலத்திலும்!!

அலை

கடல் 
அன்னையின்
கருவில்
உருவானவளே!

மடியில் தவழும் 
மழலையென 
மண் தின்ன 
போராடுபவளே!

கதிரவனை விட 
சந்திரனை கண்டு 
சந்தோசம் 
அடைபவளே!

தோல்வி கண்டு 
துவளாது 
விடாமுயற்சியின் 
விளக்கானவளே!

யாரை
தேடித் தேடி 
தரை நோக்கி 
தவழ்கின்றாய்?

நிலையில்லா 
நிலத்தை நிறைத்த 
ஏமாற்றம் உன்னையும் 
விடவில்லையோ?

தா(ய்)ரம்

கண்டேன்
கண்களை
நம்ப
முடியவில்லை!

பேசினேன்
பழகினேன்
என்னையே
நம்பமுடியவில்லை!

கண்டதும்
காதல் இல்லை,
கண்டும்
பழகியும்
யதார்த்தமாய்
காதலித்தேன்!

என்னில்
அவளைக் கண்டேன்,
அவளில்
தாய்மைக் கண்டேன்!

தாயிடம்
தயங்கி நிற்கிறேன்
தாயின் மறு உரு
தாரமாய்
வரவேண்டி..............