கிறிஸ்டி வாக்கராகிய நான்....

கிறிஸ்டி வாக்கராகிய நான்....
கிறிஸ்டி வாக்கராகிய நான்................

Saturday, 2 September 2017

உறவாய் நீ

அருகில் நீ இல்லையெனில்
அதிகமாய் எண்ண தூண்டுகிறாய்

ஆதவன் பிரகாசமாய் ஒளியூட்டி
ஆணவத்தை இதமாய் சுட்டெரிக்கிறாய்

இந்திரலோகத்து இந்தியனாய்
இம்சையால் இன்முகம் சுண்டுகிறாய்

ஈரப்பத மென்காற்று பட்டதென
ஈரிதழ் ஸ்பரிசத்தால் சிலிர்க்கிறாய்

உலக கடைக்கோடியில் இருப்பினும்
உன்னதமாய் உன்னை உணர செய்கிறாய்

ஊசி முனையேனும் நான் சோர்ந்து போயின்
ஊக்கமருந்தாய் உற்சாக படுத்துகிறாய்

என்னவள் என மார்தட்டி மண்டியிட்டு
எனக்கானவன் என்பதை ஆழப்பதிக்கிறாய்

ஏக்கத்துடன் தற்காலிக பிரிவெனினும்
ஏறிட்டு முகம் காண கலங்குகிறாய்

ஐம்பதை நெருங்கிடினும் அழகாய்
ஐம்புலன் கொண்டு காதலிக்கிறாய்

ஒவ்வொருவருக்காகவும் விட்டுக்கொடுக்கும் நீ
ஒருபோதும் என்னை விட்டு கொடுக்க மறுக்கிறாய்

ஓட்டப்பந்தய உலக வாழ்க்கையில் உன்னுடன்
ஓர் ஜென்மம் போதாதென்று நினைக்க வைத்தாய்

இஃதோடு நிறுத்தி விட்டிடினும்
அஃதோடு முடிவதில்லை நம் உறவு....